British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 26 Tachwedd 2009, 15:53 GMT
Trais yn y cartref: Ymgyrch

Camdrin domestig  (model)
Ym mis Rhagfyr y llynedd roedd 2,152 o alwadau

Mae ymgyrch wedi dechrau er mwyn tynnu sylw at drais yn y cartref dros y Nadolig.

Llynedd fe alwodd bron 70 o bobl y dydd Linell Gymorth Camdrin yn y Cartref Cymru ym mis Rhagfyr.

Nod yr ymgyrch yw codi ymwybyddiaeth am "arwyddion cynnar" cam-drin yn y cartre.

Dywedodd y Gweinidog Cyfiawnder Cymdeithasol, Brian Gibbons: "Mae'n bwysig bod pobl yn deall bod unrhyw ffurf ar drais yn y cartref yn drosedd."

Fe lansiodd yr ymgyrch wrth ymweld â Chymorth i Fenywod Cymru yng Nghaerdydd.

100 o blant

Dywedodd yr elusen eu bod yn helpu lletya 100 o blant ar fyr rybudd dros gyfnod y Nadolig, rhai sy'n dianc rhag trais a chamdrin aelod o'r teulu.

Mae hefyd yn rheoli llinell gymorth sy'n cynnig gwasanaeth ddydd a nos.

Eisoes yn 2009 mae'r llinell gymorth wedi delio â 22,285 o alwadau, cynnydd o 176% ers 2004.

Ym mis Rhagfyr y llynedd, atebwyd 2,152 o alwadau, cyfartaledd o 69 o alwadau bob dydd oddi wrth bobl yn dioddef o gam-drin yn y cartref.

"Mae staff Llinell Gymorth Camdrin yn y Cartref Cymru yn darparu gwasanaeth gwerthfawr iawnt, yn enwedig yn ystod mis Rhagfyr pan mae straen y Nadolig yn golygu llawer mwy o bobol yn dioddef o drais yn y cartref," meddai Dr Gibbons.

"Fe ddylai unrhywun mewn perthynas treisgar alw'r llinell gymorth er mwyn cael cyngor a chefnogaeth."

Y rhif ffon yw 0808 8010 800



HEFYD
Cerbyd i daclo cam-drin domestig
22 Tach 09 |  Newyddion
'Angen helpu'r rhai sy'n cam-drin'
30 Meh 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific