British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 20 Tachwedd 2009, 08:59 GMT
Cartrefi heb gysylltiad 'r we yn colli gwybodaeth

cyfrifiadur
Mae gan 67% o gartrefi yng Nghymru gysylltiad 'r rhyngrwyd

Gall un o bob tri chartref yng Nghymru na all gyrraedd y we golli gwybodaeth allweddol a chynigion gwell o ran gwasanaethau a nwyddau.

Dyna gasgliad adroddiad Llais Defnyddwyr Cymru.

Ymhlith y wybodaeth sy'n cael ei cholli mae deunydd am ddiogelwch bwyd, rhybuddion tywydd a phenderfyniadau gwleidyddol.

Dywedodd y mudiad y dylid sicrhau nad oedd rhai o fewn cymdeithas, gan gynnwys yr henoed a'r tlawd, yn cael "eu hanghofio."

Mae Llywodraeth y Cynulliad wedi dweud eu bod yn paratoi ymateb.

Mae'r adroddiad, Cysylltu neu Gau Allan, sy wedi ei seilio ar 10 mlynedd o wybodaeth, wedi nodi mai 67% o gartrefi Cymru sydd â chysylltiad â'r we - a bod 94% o'r rhain yn gysylltiad band eang.

750,000

Pobl rhwng 35 a 44 oed sy fwya tebygol o gael cysylltiad gwe yn eu cartref (83%) ac mae 37% yn defnyddio'r we y tu allan i'r cartref.

Ond dywedodd yr adroddiad fod 'na 750,000 o oedolion yng Nghymru nad oedd yn defnyddio'r we.

Dywedodd Sarah Richards o'r mudiad fod cysylltu â'r we yn "rhan hanfodol" o fywyd pob dydd oedolion.

"Mae'r cynnydd yn y wybodaeth a'r bargeinion sy ar gael yn golygu bod y rhai sy naill ai'n methu neu'n dewis peidio â defnyddio'r rhyngrwyd mewn perygl o gael eu cau allan ...

"Tra bod y drafodaeth am ardaloedd digyswllt yn bwysig, rhaid i ni beidio ag anghofio am y rhai sy wedi eu cau allan am resymau eraill, pobl sy naill ai'n methu â chael mynediad neu sy ddim yn gwerthfawrogi'r fantais o gysylltu â'r rhyngrwyd."



HEFYD
Arian Google at wefan Gymraeg
16 Mai 09 |  Newyddion
Gwefan newydd i ieuenctid
31 Maw 09 |  Newyddion
Pryder am bobl hyn a'r we
25 Mai 06 |  Newyddion
Anelu at leihau'r 'bwlch digidol'
26 Ion 06 |  Newyddion
Y we: 'Angen cysylltiad cyflym'
19 Hyd 05 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific