British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Llun, 16 Tachwedd 2009, 12:54 GMT
'Rhowch yr iaith ar waith'

Hybu'r Gymraeg mewn archfarchnad
Y gobaith ydi y bydd mwy yn defnyddio'r Gymraeg wrth siopa

Mae ymgyrch sy'n anelu at fwy o ddefnydd o'r Gymraeg yn y gwaith wedi dechrau ddydd Llun.

Archfarchnadoedd sy'n cymryd rhan yn ymgyrch genedlaethol Bwrdd yr Iaith Gymraeg.

Roedd arolwg y bwrdd wedi awgrymu bod 76% o bobl Cymru'n credu bod arwyddion a marchnata dwyieithog yn bwysig.

Dechreuodd taith Iaith Gwaith yn Tesco, Ffordd y De, Caernarfon, ddydd Llun wrth dynnu sylw at fanteision defnyddio'r Gymraeg yn y gwaith.

Mae archfarchnadoedd Sainsbury's, Morrisons, Tesco, Asda a'r Co-operative yn cefnogi'r ymgyrch sy'n cael ei chynnal drwy gydol y mis.

Bydd pobl sy'n siarad Cymraeg yn gwisgo bathodyn â logo Iaith Gwaith arno.

'Ymroddiad'

Dywedodd rheolwr Tesco Caernarfon, Matt Ruscoe: "Mae nifer helaeth o'n staff yn siaradwyr Cymraeg ac rydan ni'n eu hannog i wisgo'u bathodynnau wrth weithio fel bod modd i gwsmeriaid eu hadnabod.

"Mae'n arwydd arall o'n hymroddiad i'r iaith Gymraeg ac yn rhywbeth sy'n cael ei gymeradwyo gan staff a chwsmeriaid."

Cerdyn Checkout Cymraeg
Mae'r cardiau yma ar gael i gynorthwyo siopwyr

Dywedodd Meri Huws, cadeirydd Bwrdd yr Iaith Gymraeg: "Prif amcan Iaith Gwaith yw ei gwneud yn hawdd i bobl ddefnyddio'r Gymraeg yn eu bywyd o ddydd i ddydd neu yn y gwaith ...

"Mae'r archfarchnadoedd yn rhan o fywyd dyddiol nifer o bobl.

"Ac mae'r cynllun wedi bod yn llwyddiant ysgubol hyd yn hyn ac mae'r daith hon o amgylch Cymru yn helpu cynyddu'r defnydd sydd ohoni."



HEFYD
Codi arian er mwyn gweld y Gair
08 Tach 09 |  Newyddion
Iaith: Gwefan ar gynnydd
30 Hyd 09 |  Newyddion
Capeli: 'Cefnogwch y gymuned'
18 Hyd 08 |  Newyddion
Siopau: Ydy'r cig yn ln?
23 Hyd 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific