Symud hyfforddi awyrennau jet?

Y Tucano T1, a ddefnyddir yn aml i hyfforddi peilotiaid milwrol

Mae'r Weinyddiaeth Amddiffyn yn ystyried symud yr holl hyfforddiant ar gyfer eu hawyrennau jet i Ganolfan Awyrlu'r Fali ar Ynys Môn.

Byddai hynny yn golygu cau dwy ganolfan yng ngogledd Sir Efrog, sef Linton-on-Ouse a Leeming.

Bydd penderfyniad terfynol yn cael ei wneud yn y flwyddyn newydd.

Mewn datganiad, dywedodd y Weinyddiaeth Amddiffyn bod hwn yn "gyfnod heriol" a'i bod yn gyson yn adolygu cynlluniau gwariant "i sicrhau ein bod yn gwneud y defnydd gorau o'r gyllideb amddiffyn".