Dod o hyd i gorff mewn parc

Mae corff dyn wedi ei ddarganfod mewn parc yn ardal Wrecsam ddydd Sul

Dywed yr heddlu eu bod yn trin y farwolaeth fel un amheus.

Cafwyd hyd i'r corff mewn parc yn allt Sontley, ger Rhostyllen, am 10am.

Dywedodd y Ditectif Arolygydd Gwyn Jones i aelod o'r cyhoedd ddod o hyd i'r corff.

Credir fod y dyn yn ei 40au ac yn dod o Lannau Mersi.

Doedd dim adroddiadau fod y dyn wedi bod ar goll.

Mae disgwyl i archwiliad post mortem gael ei gynnal ddydd Llun.