Yfed a gyrru: Apêl mam

Roedd David Foulkes wedi derbyn llifft gan Martin Bielicky

Mae mam wedi rhybuddio yn erbyn y peryglon o dderbyn lifft gan rywun sy wedi bod yn yfed a gyrru yn dilyn damwain farwol.

Bu farw David Foulkes, 23 oed, o Mancot Sir Fflint, yn y ddamwain a daeth sylwadau ei fam ar ôl achos llys yn erbyn y gyrrwr Martin Bielicky, 29 oed.

Cafod Bielicky o Shotton ei garcharu am chwe blynedd ar ôl pledio'n euog i achosi marwolaeth drwy yrru'n beryglus.

Clywodd Llys y Goron Yr Wyddgrug ei fod wedi yfed tair gwaith y lefel cyfreithlon o alcohol.

Ar ôl yr achos dywedodd Lynne Foulkes, mam David, ei fod eisiau i wersi gael eu dysgu.

"Dwi ddim am i farwolaeth fy mab fod yn ofer," meddai.

"Mae pobl yn mynd allan i gael amser da, ond dy nhw ddim yn meddwl am y peryglon."

Roedd ei mab wedi gaddo iddi pe na bai'n gallu cael tacsi yna byddai'n ei ffonio hi.

Ond fis Awst y llynedd fe wnaeth dderbyn llift gan ei ffrind Bielecky.

Wrth ei ddedfrydu dywedodd y barnwr Ustus Lloyd Jones: "Fe wanethoch ladd ei ffrind David Foulkes ac rydych yn gyfrifol am golled trasig a diangen."

Dywedodd Mrs Foulkes y byddai'n sefydlu cystadleuaeth cwpan pêl-droed yn y gynghrair leol er cof am ei mab.

Bydd unrhyw elw yn mynd tuag at CADD, yr ymgyrch yn erbyn yfed a gyrru.

Mae CADD yn darparu cymorth i deuluoedd y rhai sy wedi eu lladd neu eu hanafu gan yrwyr sy'n gyrru dan ddylanwad alcohol neu gyffuriau.