Achub brodyr o dân

Cafodd dau frawd eu hachub o dan yn Y Barri ar ôl syrthio i gysgu gan adael padell sglodion heb ei warchod.

Aed a'r dynion, y ddau yn eu 30au, i'r ysbyty yn diodde o fan losgiadau ag effeithiau mwg.

Dywedodd llefarydd ar ran y Frigâd Dan eu bod wedi derbyn galwad tua 1.15am dydd Sadwrn.

Achoswyd cryn ddifrod i lawr gwaelod y tŷ.

Yn ôl diffoddwyr roedd y ddau yn ffodus o ystyried nad oedd larymau mwg wedi eu gosod yn yr adeilad.

Cafwyd rhybudd hefyd gan y Frigâd Dan i bobl gymryd gofal wrth goginio.