Carcharu cyn brifathro

Mae cyn brifathro ysgol o Aberdaugleddau wedi ei garcharu am bum mlynedd am aflonyddu yn rhywiol ar ddwy ferch ifanc.

Yn Llys y Goron Preston, fe wnaeth Philip Hayes, 59 oed hefyd bledio'n euog i gyhuddiad o gadw lluniau anweddus.

Fe wnaeth Hayes, cyn brifathro ysgol yn Chorley, Sir Gaerhirfryn ddechrau aflonyddu ar y merched y 90au pan oeddynt y chwech ac wyth oed.

Cafodd ei arestio yn 2008 ar ôl i'r heddlu ddod o hyd i nifer o ddelweddau o blant ar ei gyfrifiadur.

Yn wreiddiol roedd wedi gwadu'r cyhuddiadau yn ei erbyn.

Cafodd ei wahardd rhag gweithio gyda phlant a bydd ei enw yn cael ei roi ar restr troseddwyr rhyw.