Ymosodiad: Heddlu'n ymchwilio

Mae Heddlu'r Gogledd am holi pump o bobl ar ôl ymosodiad difrifol ar ddyn 42 oed yn Abergele, Sir Conwy.

Aed a'r dyn i Ysbyty Glan Clwyd, Bodelwyddan, gydag anafiadau difrifol i'w ben.

Dyw ei fywyd ddim mewn perygl ond mae ei gyflwr yn un difrifol

Dywed yr heddlu fod criw o bump o ddynion, yn eu harddegau hwyr neu ugeiniau cynnar, wedi ymosod ar y dyn tua 2.20 am ddydd Sul yn Stryd y Bont, Abergele.