Ffasiwn: Bwriad i greu amgueddfa

Fe wnaeth y cwmni gau'r ffatri a'u pencadlys yng Ngharno yn 2004

Cafodd cynlluniau eu datgelu ar gyfer pentre gafodd ei roi ar y map gan y cynllunydd ffasiwn Laura Ashley.

Dywedodd Aelod Cynulliad Trefaldwyn, Mick Bates, y byddai'r amgueddfa yng Ngharno, Powys, yn dathlu gwaith y cynllunydd ffasiwn.

Fe gaeodd pencadlys y cwmni yng Ngharno gau yn 2004.

Datblygodd cwmni Laura Ashley i fod yn llwyddiant byd-eang.

Dywedodd Mr Bates fod y cwmni wedi chwarae rhan bwysig yn ei etholaeth.

"Yng Nghymru rydym yn falch iawn o'n hanes ac ym Maldwyn fe wnaeth Laura Ashley chwarae rhan fawr yn ein treftadaeth.

"... mae yma gyfle gwych i ddathlu etifeddiaeth Laura Ashley yn ogystal â chefnogi datblygiad economaidd yng Ngharno."

'Ymgyrch hirdymor'

Yn ôl Mr Bates, mae rhai pentrefwyr wedi awgrymu agor amgueddfa yn adeilad yr Hen Orsaf lle oedd Laura Ashley yn gweithio ar un adeg.

"Fe fyddai canolfan Laura Ashley yn helpu'r ymgyrch hirdymor i ailagor gorsaf Carno.

"Bydd yn fynediad cynaliadwy i'r prosiect a bydd ymwelwyr yn gallu cyrraedd mewn trên," ychwanegodd Mr Bates.

Fe wnaeth cwmni Laura Ashley sefydlu yng Ngharno yn y 1960au ac fe gafodd ffatri ei chodi yno.

Agorodd y cwmni nifer o siopau mewn dinasoedd a bu farw Laura Ashley yn 60 oed yn 1985.