'Dianc': Cadw dyn yn y ddalfa

Fe gafodd dyn 29 oed o Abertawe ei gadw yn y ddalfa ar ôl cael ei gyhuddo o ddianc o lys.

Cafodd James William Stevenson o ardal Bonymaen ei gyhuddo o ddianc o Lys y Goron Abertawe ar Hydref 2.

Ymddangosodd yn y llys ddydd Mawrth drwy gyswllt fideo.

Cafodd ei gyhuddo o ddianc o'r ddalfa a chyhuddiad o ddwyn dwy fodrwy aur gwerth £240 o siop yn Nhreforys bum niwrnod yn ddiweddarach.

Bydd yn aros yn y ddalfa tan ei ymddangosiad nesaf ar Ionawr 4 2010.