British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Llun, 2 Tachwedd 2009, 15:29 GMT
Hunanladdiad: Annog pobl i siarad

Dyn mewn cyfyng gyngor
Nod y strategaeth yw lleihau nifer yr hunanladdiadau

Mae bron i 2,000 o bobl wedi derbyn hyfforddiant yng Nghymru i geisio adnod pobl sy'n diodde o iselder, fel rhan o gynllun i leihau nifer yr hunanladdiadau.

Mae athrawon, yr heddlu a staff iechyd ymhlith y rhai sy'n cymryd rhan yng nghynllun 'Siarad â fi'.

Llywodraeth y Cynulliad sydd tu cefn i'r cynllun gyda'r nod o godi ymwybyddiaeth ac annog pobl i son am eu problemau.

Mae tua 300 o bobl yn lladd eu hunain yng Nghymru bob blwyddyn, canran uwch na Lloegr ond sy'n is na'r Alban.

Penderfynwyd llunio strategaeth yn gynt na'r disgwyl ar ôl cyfres o farwolaethau ymhlith pobl ifanc yn ardal Pen-y-bont ar Ogwr.

Llinell 24 awr

Dywedodd Tony Jewell, prif swyddog meddygol Cymru, mai'r nod yw annog pobl i siarad am eu problemau.

"Dyw siarad am faterion ddim yn creu problem nac yn cynyddu risg.

"Y gwrthwyneb sy'n gywir.

"Wrth i ni ddod i ddeall am broblemau yn aml rydym mewn lle gwell i ddod o hyd i gymorth.

"Mae galwadau i linell gymorth 24 awr wedi cynyddu, sy'n arwydd positif fod pobl yn ymwybodol o'r gwasanaeth ac yn fwy parod i drafod eu problemau."

Mae'r llinell gymorth 24 awr yn derbyn nawdd o £400,000 y flwyddyn gan Lywodraeth y Cynullid, a £100,000 ar gyfer cydlynydd o'r Samariaid.

Daw'r arian ar gyfer hyfforddiant, tua £1.7 miliwn, o Lywodraeth y Cynulliad a'r Gronfa Loteri.



HEFYD
Hunanladdiad: ASau yn trafod
07 Chwef 08 |  Newyddion
Hunanladdiad: Mwy o alwadau
23 Maw 09 |  Newyddion
Hunanladdiad: 'Her newydd'
10 Medi 09 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific