Beth yw Bwletin Ysgol y BBC?

Mae Bwletin Ysgol y BBC yn gyfle i ddisgyblion ysgolion uwchradd fentro i faes newyddiaduraeth.

Maen nhw'n cael cyfle i greu bwletinau newyddion ar gyfer y teledu, radio neu'r we.

Mae Huw Edwards yn cynnig cyngor i fyfyrwyr Sgript Huw Edwards

Gyda chymorth staff y BBC ac adnoddau'r wefan, gall athrawon helpu eu disgyblion i ddatblygu'r sgiliau newyddiadurol sydd eu hangen i fod yn ohebwyr ysgol.

Ar Fawrth 11 2010, Diwrnod y Bwletin Ysgol, bydd ysgolion ar hyd a lled Cymru a'r Deyrnas Unedig yn darlledu eu bwletinau.

Fe fydd y rhain yn cael sylw amlwg gan y BBC yn ogystal â chael eu darlledu ar wefannau'r ysgolion.

Mae 'na chwe gwers sy'n egluro sut mae newyddiadurwyr proffesiynol yn paratoi newyddion.

Yn ystod y gwersi mae Huw Edwards, cyflwynydd newyddion y BBC, yn cynnig cyngor i fyfyrwyr.

Fe fydd y gwersi yn helpu athrawon i baratoi'r disgyblion ar gyfer Diwrnod y Bwletin Ysgol.

I gael mwy o wybodaeth a chymryd rhan ewch i School Report (Saesneg)