British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 15 Medi 2009, 15:26 GMT 16:26 UK
Cerflun o Confucius yng Nghymru

Confucius
Confucius yw un o athronwyr pwysicaf China mewn hanes

Gellir gweld cerflun o'r athronydd Confucius o China yng Nghymru erbyn hyn.

Cafodd y cerflun, sy'n rhodd gan Ffederasiwn Ewropeaidd o Sefydliadau Chineaidd, ei osod ym Mharc Singleton, Abertawe.

Fe wnaeth y ffederasiwn ei roi yn rhodd i bobl Abertawe.

Dyma'r cerflun cyntaf yng Nghymru gafodd ei roi gan y ffederasiwn a'r trydydd yn y DU.

Mae'r cerflun wedi cael ei gerfio o law.

Confucius (551 CC - 479 CC) yw un o athronwyr pwysicaf China mewn hanes, a'i feddyliau yn ffurfio sail holl ddysgeidiaeth China hyd at y 19eg Ganrif.

Dywedodd Tian Xiaogang, Gweinidog Materion Addysg Llysgenhadaeth China bod hi'n bleser cael ymweld ag Abertawe

"Mae'n braf gael y cyfle i ddadorchuddio'r cerflun nodedig o Confucius, symbol o China a diwylliant Chineaidd.

"Mae'r anrheg yn cydnabod llwyddiant y cysylltiad dwfn a chryf rhwng China a Chymru."

Cafodd y cerflun ei ddadorchuddio ddydd Mawrth mewn seremoni ar arddull Chineaidd, gyda dawnswyr Chineaidd uncorn a drymiwr yn arwain gwesteion ar orymdaith tuag at y cerflun.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific