British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 7 Awst 2009, 12:39 GMT 13:39 UK
Iaith y Cofnod: 'Statws is'

Y Senedd ym Mae Caerdydd
Mae Cofnod y Trafodion wedi bod yn ddwyieithog ers sefydlu'r cynulliad

Mae cyn-Aelod Cynulliad wedi dweud bod y corff yn rhoi "statws is" i'r Gymraeg oherwydd penderfyniad i beidio â chyfieithu i'r iaith.

Penderfynodd Comisiwn y Cynulliad roi'r gorau i gynhyrchu trawsgrifiadau cwbl ddwyieithog o Gyfarfodydd Llawn y cynulliad.

O hyn ymlaen fe fydd cyfraniadau Aelodau yn y Siambr yn cael eu cyfieithu o'r Gymraeg i'r Saesneg ond ni fydd areithiau Saesneg yn cael eu cyfieithu.

Ers sefydlu'r cynulliad yn 1999 mae trawsgrifiadau o Gyfarfodydd Llawn wedi bod yn gwbl ddwyieithog.

'Disgwyliadau'

Yn ôl Cynog Dafis, aelod blaenllaw o'r cynulliad cyntaf a chyn-AC Canolbarth a Gorllewin Cymru Plaid Cymru: "Mae hyn yn golygu statws is i'r Gymraeg mewn cymhariaeth â'r hyn ry'n ni'n disgwyl gan gyrff cyhoeddus o dan y ddeddfwriaeth bresennol.

Cynog Dafis
Cynog Dafis: "Mae hyn yn golygu statws is i'r Gymraeg"

"'Ry'n ni'n disgwyl dogfennau a biliau ac ati yn Gymraeg gan gyrff cyhoeddus, ac fe ddylen ni fedru darllen Cofnod y Cynulliad yn Gymraeg."

Pwyllgor dan gadeiryddiaeth y Llywydd, Dafydd Elis-Thomas, a wnaeth y penderfyniad.

Mae'r comisiwn wedi dweud y byddai'r newid yn arbed £250,000 y flwyddyn.

'Gwelliannau'

Dywedodd llefarydd: "Rydym yn ystyried cyflwyno nifer o welliannau i sicrhau bod gan bobl fynediad at drafodion y cynulliad.

"Senedd.tv yw'r prif lwyfan a ddefnyddir gan y cynulliad i recordio a darlledu trafodion y cynulliad.

"Rydym hefyd yn ystyried rhoi fersiynau cychwynnol o'r Cofnod ysgrifenedig ar y we yn yr iaith wreiddiol yn unig.

"Fe fyddant ar gael lawer yn gynharach nag yn y gorffennol ac felly yn golygu mwy o ymateb oddi wrth ddefnyddwyr."

Ychwanegodd fod hyn yn golygu bod y polisi iaith ar gyfer Cofnod y cyfarfodydd llawn yn union yr un fath â'r un ar gyfer y pwyllgorau (lle caiff cyfraniadau yn Gymraeg eu cyfieithu i'r Saesneg ond ni chaiff cyfraniadau yn Saesneg eu cyfieithu i'r Gymraeg).



HEFYD
Iaith: Rali i gryfhau mesur
16 Mai 09 |  Newyddion
Iaith: 'Angen statws cyfartal'
26 Tach 04 |  Newyddion
Cyflwyno deiseb deddf iaith
07 Chwef 07 |  Newyddion
Sector preifat: Defnyddio'r iaith?
23 Ion 09 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific