British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 4 Awst 2009, 13:51 GMT 14:51 UK
Y ffn symudol Cymraeg cynta

Ffonau symudol Cymraeg
Fe fydd y ffonau ar gael o fis Medi ymlaen

Roedd yn ddiwrnod hanesyddol ar Faes yr Eisteddfod wrth i gwmni ffonau symudol gyhoeddi'r ffôn Cymraeg cyntaf.

Cwmnïau Samsung ac Orange sy wedi creu'r ffôn fydd ar gael mewn siopau Orange yn unig o fis Medi ymlaen.

O hyn ymlaen mae modd anfon negeseuon testun yn Gymraeg ac mae opsiynau'r fwydlen yn yr iaith.

Dywedodd Pennaeth Manwerthu Orange, Sian Doyle: "Mae'r cwmni yn falch eu bod wedi darparu'r gwasanaeth arloesol.

"Mae'r farchnad Gymraeg yn bwysig i ni ac mae'n rhan o'n menter ehangach i roi mwy o ddewis i siaradwyr Cymraeg.

"Rydyn ni'n buddsoddi yn helaeth yng Nghymru, gan agor siop ddiweddar yn Nhrefynwy.

"Ac rydyn ni hefyd yn ddiolchgar i gwmni Samsung am gyflwyno'r gwasanaeth a chreu meddalwedd penodol - mae mwy na 44,000 o eiriau Cymraeg er mwyn i bobl anfon negeseuon."

Dywedodd llefarydd ar ran cwmni Samsung y cafodd gwasanaeth Gwyddeleg ei lansio'r llynedd.

Ffonau symudol Cymraeg
Mae modd gwnud galwadau ac anfon negeseuon yn Gymraeg

"Mae'n profi ein bod ar flaen y gad o ran cyflwyno newidiadau a gwasanaethau y mae'r cyhoedd eu heisiau."

Dywedodd Alun Ffred Jones, y Gweinidog Treftadaeth, ei fod yn llongyfarch y ddau gwmni.

"Mae ffonau symudol yn rhan o'n bywyd pob dydd ac mae'n bwysig ein bod ni'n gwneud defnydd o dechnoleg gwybodaeth yn ein hiaith ein hunain.

"Gan fod y Gymraeg yn perthyn i'r ganrif hon mae'r cwmnïau hyn ar y blaen."

Dywedodd llefarydd ar ran Cymdeithas yr Iaith eu bod yn croesawu'r cam "pwysig" ond y "dylai'r hawl am wasanaeth Cymraeg fod ar gael i bawb nid yn unig defnyddwyr Orange yn unig".

"Er enghraifft, dwi'n ddefnyddiwr O2 ... a dyw heddi ddim wedi newid y sefyllfa.

"Does 'na ddim gwasanaeth Cymraeg ar gael."

Awgrymodd y dylid rhoi arian ar gyfer y sector i gyd.



EISTEDDFOD MEIRION A'R CYFFINIAU 09


GWEFANNAU



Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific