British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Sul, 2 Awst 2009, 16:28 GMT 17:28 UK
O Bala Baghdad i Bala Penllyn

Hawar o Gyngor y Ffoaduriaid yng Nghaffi Bala Baghdad
Hawar yn eistedd yn rhan o'r caffi ar y Maes

Elin Angharad
BBC Cymru

Daeth caffi un o stondinau Maes Eisteddfod Genedlaethol Meirion eleni o Bala.

Ond nid tref y Bala sy'n gartref i'r brifwyl, ond yn hytrach, Bala Baghdad.

Mae'r caffi, sy'n cynnig te, yn stondin Cyngor Ffoaduriaid Cymru.

Mae'r caffi yn fwy 'na lle i dorri syched.

Yn wir fe wnaeth Hawar sy'n gweithio i'r cyngor fy nhywys o amgylch y stondin.

Mae 'na gornel yno i gael eistedd i lawr, a hynny yn llythrennol, eistedd ar glustogau meddal lliwgar o Arabia a chyfle i ddysgu mwy am ardal hyfryd y Bala yng ngogledd Irac.

Mae yno lyn hefyd a hwnnw yn ddigon tebyg i Lyn Tegid.

Fe wnaeth Hawar ddangos i mi gelfyddyd Iracaidd, crochenwaith a barddoniaeth o'r wlad sydd wedi cael eu cyfieithu i'r Gymraeg.

Celtiaid

"Mae modd dysgu mwy am Irac y gorffennol, presennol a darganfod mwy am dref Bala yn Irac yma," meddai.

"Mae 'na Bala yn Irac ac yn Nhwrci hefyd.

Llyn Bala Irac
Llyn Bala yn Irac sy'n debyg iawn i dirwedd Cymru medd Hawar

"Rydym yn credu bod Celtiaid wedi teithio i'r gwahanol wledydd a sefydlu Bala."

Eglurodd wrtha i hefyd am hanes gwraig sy'n ffoadur, sy'n methu mynd yn ôl i'w gwlad nag aros yma.

"Mae hi'n cael talebau bwyd gan y Swyddfa Dramor i'w gwario yn Tesco ond dydyn nhw ddim yn darparu bwyd Halal iddi felly mae hi'n gorfod eu gwerthu, o bosib am lai na'u gwerth o £35.

"Rydym eisiau dangos bod 'na debygrwydd rhwng pobl yn hytrach na'r gwahaniaeth sydd 'na."

Roedd ganddo hanesion diddorol am rai Iraciaid sydd wedi symud i Gymru a'u cyfraniad i'n gwlad.

"Doedd Ari ddim yn gallu darllen nac ysgrifennu yn ei iaith ei hun cyn dod i Gymru," eglurodd wrthai.

"Erbyn hyn mae o wedi dysgu darllen ac ysgrifennu Cymraeg a Saesneg ac mae o'n astudio ar gyfer gradd mewn seicoleg yn Abertawe."

Dywedodd Hawar fod nifer o bobl wedi ymweld eisoes a'r caffi a'i fod wedi ei syfrdanu gan ymateb yr ymwelwyr.

"Maen nhw eisiau gwybod, mae ganddyn nhw ddiddordeb yn y straeon sydd ganddo ni mae'n fy ngwneud i'n wylaidd iawn."



EISTEDDFOD MEIRION A'R CYFFINIAU 09


GWEFANNAU


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific