Gwerthu safle i gystadleuydd

Y Co-op yn Waunfawr, Aberystwyth

Mae cwmni'r Co-op yn Aberystwyth wedi gwerthu archfarchnad i gystadleuydd, Archfarchnadoedd CK.

Dywedodd y Co-op eu bod yn gwerthu'r archfarchnad yn Waunfawr er mwyn dilyn rheolau cystadlu.

Mae'r cwmni wedi prynu cwmni Somerfield ac o fewn dwy flynedd fe fydd archfarchnad Somerfield yn y dre yn newid enw.

Mae llefarydd wedi dweud: "Fe fydd staff archfarchnad Waunfawr yn trosgwlyddo i CK ac ni fydd eu telerau gwaith yn newid."

Fe fydd swyddfa bost ar y safle hefyd yn trosglwyddo i'r perchnogion newydd, meddai.

Yn y gorllewin a'r de roedd gan CK 17 o archfarchnadoedd.

Yn ddiogel

Dywedodd Christopher Kiley o'r cwmni: "Rydyn ni ar ben ein digon am ein bod ni wedi llwyddo i gael yr archfarchnad yn Waunfawr.

"Dwi'n falch i ddweud y bydd swydd pob aelod staff yn ddiogel.

"Mae pedair archfarchnad newydd, gan gynnwys rhai yn y Drenewydd a Threorci, yn golygu taw ni yw'r gwerthwr bwyd annibynnol mwya yng Nghymru.

"... fe fydd y cyfleoedd yn gyffrous ac rydyn ni'n edrych ymlaen at ddyfodol llewyrchus i'r archfarchnad yn Aberystwyth."