Corff: 'Ddim yn amheus'

Cafodd y corff ei ddarganfod ddydd Gwener.

Mae'r heddlu wedi dweud nad yw marwolaeth menyw y daethpwyd o hyd i'w chorff brynhawn Gwener yn amheus.

Roedd menyw oedd wedi parcio ei char wedi dod o hyd i'r corff ym maes parcio Ffordd Tan-y-bont ger Castell Caernarfon am 1pm.

Y gred yw bod y fenyw fu farw yn ei thridegau ac yn lleol.

Cafodd rhan o'r ardal ei chau am oriau wrth i'r heddlu ymchwilio.

Mae Crwner Gogledd-Orllewin Cymru wedi cael gwybod ac mae'n debyg y bydd cwest yn cael ei agor yr wythnos nesa.

Nos Wener aed â'r corff i Ysbyty Gwynedd, Bangor, ar gyfer archwiliad post mortem.