British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 14 Gorffennaf 2009, 12:49 GMT 13:49 UK
Ffatri: Colli 40 o swyddi

Ffatri gaws
Y cwmni'n beio gostyngiad ym mhris caws a diffyg cyflenwyr llaeth

Fe fydd 40 o swyddi'n diflannu mewn ffatri gaws.

Dywedodd cwmni Saputo y byddai'r swyddi, bron hanner cyfanswm y gweithwyr, yn diflannu yn ffatri Saputo yng Nghastell Newydd Emlyn.

Yn y ffatri maen nhw'n cynhyrchu caws mozzarella.

Mae'r cwmni wedi beio gostyngiad ym mhris caws a diffyg cyflenwyr llaeth.

Dywedodd Elin Jones, y Gweinidog Materion Gwledig, y byddai hi'n gofyn am drafodaethau brys.

"Dwi'n gofidio'n fawr fod gweithwyr Saputo'n cael eu diswyddo," meddai.

"Mae'r Aelod Cynulliad, Rhodri Glyn Thomas, wedi cysylltu â fi ac rydyn ni'n trefnu mynd i'r ffatri er mwyn trafod y sefyllfa â'r rheolwyr."

Ym mis Mehefin penderfynodd 40 o ffermwyr na fydden nhw'n cyflenwi llaeth i Saputo am nad oedd y cwmni'n fodlon codi'r taliad o 19c y litr.

Ym mis Mawrth 2007 prynodd Saputo'r ffatri ar ôl i'r perchnogion, Dansco, fynd i ddwylo'r gweinyddwyr. Roedd y ddyled yn £6m.

Drwy'r byd mae'r cwmni'n cyflogi 8,000 o bobol.



HEFYD
Ffatri gaws: Taro bargen
11 Meh 09 |  Newyddion
280 o swyddi'n diflannu
12 Meh 09 |  Newyddion
Ffatri gaws: Ad-dalu £600,000
01 Gorff 08 |  Newyddion
Diwedd cyfnod i Ddyffryn Aeron
30 Maw 07 |  Newyddion
Ffatri gaws: Prynwr newydd?
14 Chwef 06 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific