British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 10 Gorffennaf 2009, 18:11 GMT 19:11 UK
£9m i agor llwybrau

Arfordir Ceredigion
Fe fydd arian yn cael ei ddefnyddio ar gyfer llwybrau'r arfordir

Fe ddylai llwybr sy'n ymestyn o gwmpas arfordir Cymru fod wedi ei gwblhau erbyn y Gemau Olympaidd yn 2012 ar ôl i £9 miliwn gael ei roi o gronfa £25 miliwn.

Bydd cynlluniau eraill yng nghefn gwlad Cymru hefyd yn elwa o'r gronfa a fydd yn creu swyddi mewn "economi werdd".

Daw hanner yr arian o arian Ewrop tra bod y gweddill yn arian cyfatebol.

Fe fydd llwybrau beicio, canolfannau ymwelwyr a safleoedd ar gyfer pysgota ar draws Cymru yn derbyn buddsoddiad.

850 milltir

Pwysleisiodd Gweinidog Amgylchedd Cymru, Jane Davidson, bwysigrwydd creu llwybrau ar draws arfordir Cymru.

"Un o brif asedau economaidd Cymru ydi'r 850 milltir o arfordir," meddai.

Fe fydd tua £4 miliwn o arian Ewrop yn mynd tuag at wella adrannau o lwybrau a'u gwneud yn addas ar gyfer pob defnyddiwr.

Fe fydd gan gymunedau lleol lais ar ddatblygiadau a chynlluniau.

Caiff ymwelwyr eu hannog i ddod i Gymru i bysgota gyda mwy o safleoedd ar agor o dan gynllun Pysgota Gwyllt Cymru.

Un o brif amcanion y gronfa, sy'n cael ei dosbarthu gan Lywodraeth y Cynulliad, yw i ddatblygu mwy o gyfleodd i ymwelwyr a chynhyrchu economi mewn rhannau o gefn gwlad Cymru.

"Dwi'n gobeithio y bydd y cynllun yn dod yn fyw drwy'r arian Ewropeaidd a fydd yn dangos yn glir sut y gall yr amgylchedd chwarae rhan i greu swyddi a datblygu economi cynaliadwy," meddai John Taylor o Gyngor Cefn Gwlad Cymru.

Daw'r arian o Gronfa Datblygu Rhanbarthol Ewrop.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific