Gyrrwr beic modur yn marw

Mae'r heddlu'n apelio am dystion i'r ddamwain nos Iau

Bu farw gyrrwr beic modur ar ôl gwrthdrawiad gyda char yn Sir y Fflint.

Fe ddigwyddodd y gwrthdrawiad rhwng y beic modur a char ar ffordd yr A5104 ym Mhontblyddyn ger Yr Wyddgrug nos Iau.

Aed a'r beiciwr i Ysbyty Wrecsam Maelor lle cafwyd cyhoeddiad ei fod wedi marw.

Credir bod y dyn yn dod o ardal Cilgwri.

Dywedodd Heddlu Gogledd Cymru bod ymholiadau i ganfod ei berthnasau wedi digwydd.

Chafodd gyrrwr y car ddim anafiadau.

Bu'r ffordd ar gau am gyfnod.