British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 7 Gorffennaf 2009, 10:00 GMT 11:00 UK
Ariannu: 'Angen newid y drefn'

Fformiwla Barnett
Y fformiwla sy'n penderfynu lefel gwario cyhoeddus yng Nghymru

Mae angen diwygio'r system ar gyfer ariannu Llywodraeth y Cynulliad, medd adroddiad dros dro comisiwn annibynnol.

Dywedodd adroddiad Comisiwn Holtham y gallai Cymru golli mwy nag £8bn yn ystod y 10 mlynedd nesa os nad yw'r Trysorlys yn cyflwyno trefn wedi ei seilio ar wir anghenion.

Mae'r comisiwn wedi casglu bod Fformiwla Barnett, sy'n pennu newidiadau i'r grant bloc y mae San Steffan yn ei roi i Gymru, yn "fympwyol".

Hon yw'r drefn sy'n penderfynu lefel gwario cyhoeddus yng Nghymru.

Mae angen fformiwla, meddai'r comisiwn , sy'n ystyried yr angen am wasanaethau cyhoeddus a chost eu darparu.

Rhaid i Lywodraeth San Steffan, Llywodraeth y Cynulliad a gweinyddiaethau datganoledig eraill drafod y fformiwla, meddai'r adroddiad.

Llywodraeth y Cynulliad sefydlodd Gomisiwn Annibynnol ar Ariannu a Chyllid i Gymru.

Y cadeirydd yw'r economegydd Gerald Holtham, yn wreiddiol o Aberdâr.

Roedd y comisiwn yn un o'r addewidion yng nghytundeb Cymru'n Un, sail llywodraeth glymblaid Llafur a Phlaid Cymru.

Eisoes mae comisiwn yn yr Alban wedi galw am roi mwy o hawliau treth incwm i Senedd Caeredin ac am fwy o reolaeth ar incwm y wlad.



Chwiliwch yn Gymraeg


HEFYD
Arglwyddi yn trafod arian i Gymru
20 Maw 09 |  Newyddion
Comisiwn: Holtham wrth y llyw
08 Gorff 08 |  Newyddion
Adolygiad treth a chyllideb
20 Meh 07 |  Newyddion


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific