Damwain: Dynes yn yr ysbyty

Mae dynes 33 oed mewn cyflwr difrifol yn yr ysbyty ar ôl i fan daro'n ei herbyn ar lwybr tŷ , yn ôl Heddlu Gwent.

Yn ôl yr heddlu fe ddigwyddodd hyn mewn tŷ yn Ffordd Navigation, Rhisga ger Casnewydd brynhawn dydd Sadwrn.

Dywedodd llefarydd ar ran yr heddlu eu bod wedi cael eu galw gan y gwasanaeth ambiwlans tua 6.20pm.

Cafodd dyn 55 oed ei arestio cyn cael ei ryddhau ar fechniaeth wrth i ymholiadau pellach barhau.

Mae'r heddlu wedi cynnal ymholiadau o dŷ i dŷ ac mae archwiliad fforensig wedi cael ei gynnal.

Aed â'r ddynes i Ysbyty Brenhinol Gwent.

Dywedodd llefarydd bod ei chyflwr yn ddifrifol ond yn sefydlog.

Mae Heddlu Gwent yn apelio am dystion i gysŷylltu gyda nhw ar 01633838 111 neu Taclo'r Tacle ar 0800 555 111.