'Dim angen arwyddion dwyieithog'

Mae arwyddion dwyieithog mewn rhanau o'r wlad

Mae undeb wedi dweud bod peidio â chodi arwyddion dwyieithog mewn rhan o'r Alban "yn well na cholli swyddi".

Roedd Cyngor yr Ucheldiroedd wedi rhybuddio y byddai cannoedd o swyddi'n diflannu o fewn tair blynedd oherwydd toriadau o £60m.

Dywedodd llefarydd undeb Unsain, Shane Manning, fod modd gwneud arbedion wrth beidio â chodi arwyddion dwyieithog.

Mae'r cyngor wedi cytuno i arbed £13m eleni.

"Rwy'n derbyn bod y cyngor yn wynebu penderfyniadau anodd," meddai Mr Manning.

"Ond rhaid meddwl yn realistig am sut y mae arian yn cael ei wario."

'Enghraifft dda'

Dywedodd fod aelodau cangen yr Ucheldiroedd yn erbyn arwyddion dwyieithog.

"Mae hon yn enghraifft dda o sut mae modd arbed arian yn y tymor byr fel bod modd gwario arian ar bethau o bwys."

Dywedodd nad oedd rhybudd y cyngor y byddai swyddi'n diflannu yn "helpu'r sefyllfa o gwbl".

"Mae'n amlwg bod staff o dan bwysau ac mae aelodau'n dweud wrthon ni bod satff yn brin mewn sawl adran."

Roedd bygwth colli swyddi yn creu mwy o bwysau, meddai.