Cau ysgol: Gohirio

Mae cynghorwyr wedi penderfynu peidio â chau ysgol - am y tro.

Dywedodd cynghorwyr y byddai'r sefyllfa yn Ysgol Syr John Rhys ym Mhonterwyd, Ceredigion, yn cael ei hadolygu mewn blwyddyn.

Fe fydd y penderfyniad yn argymhelliad gerbron cabinet y cyngor ym mis Gorffennaf.

Roedd y cyngor wedi penderfynu gweithredu trefn gau staudol ar unwaith.

Ond dadleuodd ymgyrchwyr bod angen gohirio am fod ceisiadau cynllunio'n cael eu hystyried o ran tai newydd yn y pentre.

Mae'r cyngor yn ailystyried eu polisi addysg ar hyn o bryd.

Roedd 30 o ymgyrchwyr yn picedu'r cyfarfod fore Mawrth, gan gynnwys aelodau Cymdeithas yr Iaith.