British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 30 Mehefin 2009, 07:22 GMT 08:22 UK
Brenhiniaeth: 'Bron 60% o blaid'

Arwisgo Tywysog Cymru yn 1969
Awgryma'r arolwg bod llai na 33% eisiau seremoni arwisgo arall

Mae arolwg ar gyfer BBC Cymru yn awgrymu bod mwy na hanner pobl Cymru yn cefnogi'r frenhiniaeth.

Darganfu'r arolwg fod 58% o'r rheiny gafodd eu holi yn dymuno cael Tywysog Cymru.

Roedd 26% yn erbyn cael tywysog arall tra bod 33% yn meddwl nad oedd y swyddogaeth wedi elwa Cymru o gwbl ers 1969.

Roedd y gefnogaeth i'r frenhiniaeth ar ei huchaf ymysg pobl hŷn.

Darganfu'r arolwg bod tri chwarter o'r rheiny dros 65 oed o blaid y frenhiniaeth tar oedd dau ymhob pump (42%) ymysg rhai o dan 35 oed.

Roedd 29% yn credu na ddylid cael brenhiniaeth.

AROLWG
59% o bobl Cymru yn credu y dylid cael brenhiniaeth.
61% yn credu bod Cymru wedi elwa ar gael Tywysog Cymru ers 40 mlynedd.
58% yn dymuno cael Tywysog Cymru newydd pan ddaw Charles yn frenin.
58% yn credu y dylid cael seremoni arwisgo pe bai Tywysog Cymru newydd.
Ffynhonnell: Ymchwil Beaufort

Mae'r arolwg yn awgrymu bod menywod (63%) yn fwy cefnogol i'r frenhiniaeth na dynion (55%).

Ac mae'n awgrymu bod rheiny sy'n byw yng nghymoedd de Cymru y lleiaf cefnogol o'r frenhiniaeth, gyda llai na hanner (47%) yn credu y dylid cael brenhiniaeth a 43% yn credu na ddylid.

Mae 45% yn credu bod Cymru wedi elwa ychydig ar gael tywysog gyda 16% yn ystyried bod Cymru wedi elwa llawer.

Roedd traean y bobl (33%) o'r farn nad oedd Cymru wedi elwa o gwbl.

Roedd o dan draean (30%) heb fod yn ffafriol o gael seremoni arwisgo gyhoeddus tebyg i'r un gafodd y Tywysog Charles yng Nghaernarfon yn 1969.

Cafodd cyfanswm o 922 o bobl yng Nghymru dros 16 oed eu holi gan Ymchwil Beaufort rhwng Mehefin 12 a Mehefin 24.

Fe fydd y canlyniadau'n cael eu trafod ar raglen deledu nos Fawrth. Y cyflwynydd yw Huw Edwards.

A Prince for Wales, BBC ONE Wales, Dydd Mawrth, Mehefin 30, 10.35pm



HEFYD
Taith flynyddol Tywysog Cymru
22 Meh 09 |  Newyddion
Galw am addasu rôl y Tywysog
09 Hyd 08 |  Newyddion
AC: 'Angen trafod rôl tywysog'
31 Awst 06 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific