British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 24 Mehefin 2009, 09:08 GMT 10:08 UK
Golwg360: £25,000 i TV Everywhere

Gwefan Golwg360
Cafodd y wefan ei lansio ar Fai 15

Dywed Gweinidog Treftadaeth Cymru bod cwmni sy'n cael y bai am drafferthion technegol adeg lansio gwefan Golwg360 wedi derbyn £25,354 o arian cyhoeddus.

Mewn ateb ysgrifenedig dywedodd Alun Ffred Jones fod Iolo Jones, prif weithredwr cwmni TV Everywhere, wedi derbyn yr arian yn sgil ei swydd fel ymgynghorydd.

Dywed Golwg mai isgontractwyr gafodd eu penodi gan TV Everywhere oedd yn gyfrifol am broblemau technegol pan gafodd y wefan ei lansio ar Fai 15.

Dyw TV Everywhere ddim yn gweithio ar y prosiect bellach.

Daeth y wybodaeth am yr arian cyhoeddus mewn ateb i gwestiwn gan yr AC Ceidwadol Alun Cairns.

Cafodd y wefan ei lansio ar Fai 15 ar ôl cael grant o £600,000 am gyfnod o dair blynedd oddi wrth Lywodraeth y Cynulliad.

Mae'r wefan yn darparu gwasanaeth newyddion dyddiol yn Gymraeg.

Yn dilyn problemau technegol ar ôl y lansiad fe alwodd y Gweinidog Treftadaeth am adroddiad llawn.

Dywedodd y cwmni sy'n gyfrifol am y wefan, Golwg Newydd (chwaer gwmni Golwg), mai gwaith a isgontractwyd gan TV Everywhere "oedd sail y problemau".

Mae BBC Cymru wedi gwneud sawl ymdrech i gysylltu ag Iolo Jones.

Hyd yma ni chafwyd ymateb.



HEFYD
Golwg: Galw am adroddiad
09 Meh 09 |  Newyddion
Pryder am wefan Golwg360
03 Meh 09 |  Newyddion
Lansio gwefan newydd Golwg360
15 Mai 09 |  Newyddion
Gwefan Golwg gam yn nes
30 Ebr 09 |  Newyddion
Enwi pennaeth gwefan Golwg
05 Medi 08 |  Newyddion
Golwg yn llygadu'r we
04 Rhag 07 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific