British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mawrth, 9 Mehefin 2009, 16:52 GMT 17:52 UK
Golwg: Galw am adroddiad

Gwefan Golwg360
Cafodd y wefan ei lansio ar Fai 15

Mae'r Gweinidog Diwylliant, Alun Ffred Jones wedi gofyn am adroddiad llawn gan Gyngor Llyfrau Cymru ynglyn â'r problemau technegol gafodd gwefan Golwg 360.

Fe gafodd y wefan ei lansio ar Fai 15 diolch i gymorth ariannol o £200,000 y flwyddyn am dair blynedd gan y Cyngor Llyfrau.

Ond yn fuan ar ôl iddi lansio fe gafwyd cwynion nad oedd y safle'n gweithio'n gywir.

Mae cwmni Golwg Newydd yn mynnu fod y sefyllfa wedi sefydlogi erbyn hyn ac y bydd yna welliannau pellach i'r wefan dros yr wythnosau nesaf.

Dywedodd llefarydd ar ran Llywodraeth y Cynulliad y bydd Cyngor Llyfrau Cymru yn cadw cysylltiad agos gyda Golwg dros y cyfnod o ddatblygiad dros y misoedd nesaf.

"Rydym yn ffyddiog bod y problemau technegol cychwynnol yn cael eu datrys a bod Golwg 360 yn symud i'r cyfeiriad cywir," meddai'r llefarydd

Yr wythnos ddiwetha' cafodd y safle ei beirniadu gan Alun Cairns, aelod Pwyllgor Diwylliant y Cynulliad.

Dywedodd fod y safle yn 'embaras' a'i fod yn bwriadu codi'r mater â'r Gweinidog Diwylliant.

Mae Golwg wedi dweud eu bod "wedi sefydlogi'r gwasanaeth" ac wedi ei gwneud yn glir o'r dechrau mai "cyfnod prawf oedd hwn".



HEFYD
Lansio gwefan newydd Golwg360
15 Mai 09 |  Newyddion
Gwefan Golwg gam yn nes
30 Ebr 09 |  Newyddion
Enwi pennaeth gwefan Golwg
05 Medi 08 |  Newyddion
Golwg yn llygadu'r we
04 Rhag 07 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific