British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Sul, 24 Mai 2009, 09:01 GMT 10:01 UK
Galw i 'wneud dim' i farchnad

Marchnad Y Fenni
Mae deddfau i 1850au yn mynnu y dylai marchnad fod yn y dref

Mae ymgyrchwyr sy'n erbyn cau marchnad anifeiliaid hanesyddol yn galw ar Lywodraeth y Cynulliad i "wneud dim byd".

Bwriad Cyngor Sir Fynwy ydi i ddymchwel y farchnad er mwyn creu parc siopau newydd.

Ond mae Deddf Fictorianaidd yn nodi bod rhaid i'r Fenni gael marchnad anifeiliaid a fyddai'n cael ei symud o dan y cynlluniau presennol i Raglan.

Cyn i waith ailddatblygu gael ei wneud mae'n golygu bod rhaid i Lywodraeth y Cynulliad ymyrryd i ddiddymu'r ddeddf.

Ond mae pobl yn Y Fenni yn pryderu y bydd y cynllun yn lleihau nifer yr ymwelwyr â'r dref ac yn ergyd i fasnach y siopau.

'Difetha bywyd'

Dywedodd Jenny Long, cydlynydd ymgyrch Kalm i gadw'r farchnad anifeiliaid, wrth raglen BBC Cymru The Politics Show, y byddai hyn yn "difetha'r dref".

"Fe fydd yn difetha bywyd nifer o siopwyr annibynnol.

"Fe fydd yn cael effaith ar dwristiaid yn y dref ac yn yr ardal."

Ond mae cyfarwyddwr Arwerthwyr Marchnad Y Fenni Cyf, Keith Spencer, yn honni bod nifer o ddefnyddwyr y farchnad 150 oed yn croesawu'r cynllun.

"Dwi'n credu, er bod 'na rai sydd am gadw'r traddodiadau, mae'r mwyafrif yn gefnogol i ddatblygu marchnad fodern y tu allan i'r dref," meddai.

Mae tua 5,000 o bobl wedi arwyddo deiseb sy'n galw, yn anarferol, ar Lywodraeth y Cynulliad i beidio ymyrryd.

Gweinidog Amgylchedd y Llywodraeth, Jane Davidson, fydd yn gwneud y penderfyniad a ddylai'r hen ddeddf gael ei diddymu.

Ond gall y penderfyniad hwnnw gael ei herio a'i drafod yn llawn gan y Cynulliad cyfan.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific