British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 25 Mawrth 2009, 20:46 GMT
Protestio mewn cyfarfod cyngor

Arwydd Ysgol Gyfun Rhydfelen
Mae 'na ofid bod enw Rhydfelen wedi cael ei golli

Bu'n rhaid gohirio cyfarfod o Gyngor Rhondda Cynon Taf brynhawn Mercher ar ôl i brotestwyr sy'n gwrthwynebu cau Pwll Nofio Treherbert eistedd yn seddi'r cynghorwyr yn siambr y cyngor.

Roedd nifer o bobl ifanc yno hefyd am fod y cyngor wedi bwriadu trafod y posibilrwydd o newid enw Ysgol Gyfun Gartholwg yn ôl i Ysgol Gyfun Rhydfelen.

Roedd disgyblion Ysgol Gyfun Gartholwg y tu allan i adeilad Cyngor Rhondda Cynon Taf yng Nghwm Clydach i bwyso ar y cyngor i gadw hen enw eu hysgol, sef Rhydfelen.

Roedd un o gyn-ddisgyblion Ysgol Rhydfelen mor flin nad oedd y cyngor wedi trafod enw'r ysgol aeth e ati i geisio rhwystro'r cynghorwyr rhag mynd adre.

Cafodd Ysgol Gyfun Rhydfelen ei hagor yn 1962 ym mhentref Rhydyfelin ger Pontypridd, a hon oedd yr ail ysgol uwchradd Gymraeg yng Nghymru. Y gyntaf oedd Ysgol Glan Clwyd, Llanelwy, yn 1956.

Mae Ysgol Gyfun Gartholwg yn rhan o gampws cymunedol gwerth £42m ar safle Gartholwg ym Mhentre'r Eglwys ger Pontypridd.

Ar y safle mae canolfan addysg, meithrinfa, llyfrgell a chyfleusterau chwaraeon.



HEFYD
Cyfraith addysg newydd i Gymru
17 Maw 09 |  Newyddion
Angen ysgol Gymraeg arall
12 Maw 09 |  Newyddion
Llefydd ysgol: Rhieni'n twyllo
02 Maw 09 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific