British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 18 Chwefror 2009, 17:01 GMT
MBE: Ellie yn torri record arall

Eleanor Simmonds yn derbyn yr MBE gan y Frenhines
Eleanor Simmonds yn derbyn yr MBE gan y Frenhines

Mae'r nofwraig Eleanor Simmonds wedi derbyn yr MBE gan Y Frenhines, y person ieuengaf i dderbyn yr anrhydedd.

Fe wnaeth Ellie, a anwyd yn Walsall ond sy'n byw yn Abertawe erbyn hyn, ennill dwy fedal aur yn y Gemau Paralympaidd yn China y llynedd pan oedd hi'n 13 oed.

Daeth i'r brig yn y ras 100m a 400m dull rhydd.

Ym Mhalas Buckingham cafodd y ferch 14 oed yr anrhydedd ar yr un diwrnod a'i hyfforddwr Billy Pye.

Wedi ei champau yn y pwll fe wnaeth Ellie, sy'n ddisgybl yn Ysgol Gyfun Olchfa yn Abertawe, ennill Personoliaeth Chwaraeon Ifanc y Flwyddyn y BBC.

Roedd ei rhieni a'i nain yn gwmni iddi yn ystod y seremoni.

'Sioc'

Mewn cyfweliad gyda'r BBC cyn y seremoni dywedodd ei bod yn gobeithio peidio crio gan y byddai hynny "yn embaras".

Ychwanegodd bod y teulu, sy'n naturiol "yn falch o'm llwyddiant" wedi gorfod cadw'r anrhydedd yn gyfrinach tan y cyhoeddiad ddechrau'r flwyddyn.

"Pan ddaeth y llythyr, roedd yn dipyn o sioc," meddai.

"Dwn i ddim yn siŵr iawn pam, ond dwi'n falch o gael fy anrhydeddu gan y wlad, mae'n deimlad gwych."

Ond dywedodd bod ennill dwy fedal aur yn y gemau yn well nag ymweliad 'r Palas.

"Heb gael y medalau, fyddwn i ddim yn cael yr MBE na dim arall," ychwanegodd.

Mae Ellie yn l yn y pwll ac yn ymarfer ac yn paratoi ar gyfer ennill mwy o fedalau yn y Gemau Paralympaidd yn Llundain yn 2012.

"Ond mae'n rhaid i mi ganolbwyntio ar waith ysgol nawr, dwi'n l i'r drefn, nl yn ymarfer."

Chwiliwch yn Gymraeg


HEFYD
Rhestr Anrhydeddau i'r Cymry
31 Rhag 08 |  Newyddion
Clod i sr a'r hoelion wyth
31 Rhag 08 |  Newyddion
Croeso adre i'r Paralympwyr
22 Medi 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific