British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Llun, 12 Ionawr 2009, 18:14 GMT
Enwi mab i Charlotte a Gavin

Charlotte Church
Mae Charlotte yn un o gefnogwyr Ysbyty Plant Cymru

Cafodd enw mab newydd y gantores a'r cyflwynydd Charlotte Church ei gyhoeddi.

Ganwyd Dexter Lloyd Henson ddydd Sul.

Dyma ail blentyn y gantores a'r chwaraewr rygbi rhyngwladol, Gavin Henson.

Ganwyd merch y cwpl, Ruby Megan, ym mis Medi 2007.

Mewn datganiad, dywedodd y cwpl: "Mae Charlotte Church a Gavin Henson yn falch o gyhoeddi genedigaeth eu hail blentyn.

"Mae'r cwpl yn falch iawn, felly hefyd eu teuluoedd," ychwanegodd y datganiad ymddangosodd ar wefan Charlotte ddydd Sul.

Priodi

Cafodd Dexter ei eni yng nghartref y cwpl ym Mro Morgannwg.

Dydd Llun daeth cadarnhad o'r enw.

"Mewn traddodiad a theulu'r Henson, mae Dexter yn cael yr enw canol Lloyd," meddai llefarydd ar ran Charlotte.

Roedd Dexter yn pwyso 7 pwys 5 owns pan gafodd ei eni.

Mae'r gantores 22 oed newydd gyflwyno trydedd gyfres o'i sioe ar Channel 4, The Charlotte Church Show.

Mae hi a Gavin Henson wedi bod gyda'i gilydd ers pedair blynedd er eu bod yn dweud nad oes ganddyn nhw gynlluniau "i briodi yn fuan".

Mae Charlotte, sy'n byw yn Saint-y-brid, Bro Morgannwg, wedi bod yn annog ymgyrch bwydo o'r fron ers genedigaeth Ruby Megan.

Mae hi hefyd yn un o gefnogwyr Ysbyty Plant Cymru, Caerdydd, a dywedodd bod y profiad o fod yn fam wedi ei gwneud yn fwy penderfynol i godi arian tuag at yr ysbyty.

HEFYD
Mab i Charlotte a Gavin
11 Ion 09 |  Newyddion
Merch i Charlotte a Gavin: Ruby
24 Medi 07 |  Newyddion
Hyrwyddo bwydo o'r fron
12 Mai 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific