British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Sadwrn, 3 Ionawr 2009, 14:00 GMT
Protestio yn erbyn cyrchoedd Gaza

Protest Gaza
Roedd 40 yn picedu archfarchnad Morrisons yng Nghaernarfon

Mae 18 o brotestiadau, gan gynnwys rhai yng Nghymru, wedi cael eu cynnal ym Mhrydain yn erbyn cyrchoedd awyr Israel yn Gaza yn y Dwyrain Canol.

Yng Nghymru roedd protestiadau ym Mangor, Caernarfon ac Abertawe.

Hyd yn hyn mae'r Cenhedloedd Unedig wedi amcangyfri bod 2,000 o Balestiniaid wedi cael eu hanafu ers i'r cyrchoedd ddechrau ddydd Sadwrn diwetha.

Mae mwy na 400 wedi cael eu lladd, gan gynnwys 34 o blant.

Fe gafodd pedwar Israeliad eu lladd, gan gynnwys un milwr, wedi i rocedi gael eu tanio o gyfeiriad Gaza.

Ym Mangor roedd 100 o Foslemiaid o ogledd Cymru'n gorymdeithio, yn gadael y mosg am 12.30pm cyn cerdded i dŵr y cloc yng nghanol y ddinas.

'Trychineb'

Dywedodd Linda Rogers o Ymgyrch Heddwch a Chyfiawnder Bangor ac Ynys Mn: "Yn Gaza mae 'na drychineb ddyngarol.

"Mae'r blocd yn golygu nad oes gan bobl gyflenwadau meddygol na'r adnoddau i ailgodi eu tai.

"All yr ysbytai ddim ymdopi nifer yr anafiadau."

Dywedodd eu bod yn galw am gadoediad llwyr a chymorth ar frys i bobl Gaza.

Yng Nghaernarfon roedd 40 aelod o Grŵp Heddwch a Chyfiawnder Arfon yn picedu archfarchnad Morrisons Sadwrn rhwng 11am ac 1pm.

Dywedodd Ben Gregory o'r mudiad fod ymateb siopwyr yn "ffafriol iawn" a "thri chwarter yn erbyn prynu ffrwythau o Israel".

Gaza
Cenhedloedd Unedig: 2,000 o Balestiniaid wedi cael eu hanafu
"... mae'r mudiad yn ymuno phrotestwyr drwy Brydain i alw ar lywodraeth Gordon Brown i gondemnio ymosodiad Israel ..."

Areithiodd Dafydd Iwan, llywydd Plaid Cymru, a Hywel Williams, yr Aelod Seneddol lleol, a phwysleisodd y ddau yr angen am drafodaethau heddwch.

Yn Abertawe roedd 200 mewn rali yn Sgwr y Castell am 1pm lle cafodd cannoedd o ganhwyllau eu cynnau i goffu y rhai gafodd eu lladd.

"Fydd y lladd ddim yn arwain at heddwch ar gyfer pobol gyffredin Israel," meddai un o'r trefnwyr, Helen Griffin. "Fe fydd yn arwain at fwy o hunanfomio ..."

Mae Llywodraeth Israel wedi honni eu bod yn amddiffyn eu dinasyddion rhag "cyrchoedd roced y Palestiniaid".

'Nid amddiffyn'

Dywedodd llywodraeth y wlad honno fod eu milwyr wedi ymosod wedi i rocedi gael eu tanio at rannau deheuol a "difetha cadoediad oedd wedi para am chwe mis".

Ond dywedodd Lyndsey German o'r Glymblaid yn erbyn Rhyfel: "Nid amddiffyn mo hwn.

"Ymosod yw hwn, Israel yn ymosod ar hanner miliwn o bobol sy eisoes mewn tlodi mawr."

Mae mwy na 30 o fudiadau wedi trefnu'r protestiadau, gan gynnwys un fawr yn Llundain.

Yn y cyfamser, dywedodd cadeirydd y Mudiad Llafur Iddewig, Louise Ellman AS,: "Mae'r diodde yn Gaza yn peri loes fawr ...

"Ond mudiad Hamas sy'n gyfrifol am hyn, mudiad nad yw'n cydnabod bod Israel yn bod."



Chwiliwch yn Gymraeg



Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific