British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Iau, 1 Ionawr 2009, 10:12 GMT
2m i safleoedd hanesyddol

Sycharth  (llun Ymddiriedolaeth Archaeloeg Clwyd Powys)
Llosgwyd Sycharth yn ulw yn 1403

Fe fydd 2 filiwn yn cael ei wario ar 10 safle sy'n gysylltiedig threftadaeth Cymru fel y gall brodorion ac ymwelwyr eu cyrraedd yn haws a dysgu mwy amdanyn nhw.

Ymhlith y 10 mae tri safle sy'n gysylltiedig gwrthryfel Glyndŵr.

Cyhoeddwyd yr arian ar ddechrau dathliadau pen-blwydd Cadw - y corff sy'n gwarchod llefydd o bwysigrwydd hanesyddol - yn 25 oed.

Daw'r arian o Lywodraeth y Cynulliad.

Dywedodd y Gweinidog dros Dreftadaeth, Alun Ffred Jones, fod y llefydd yn "allweddol i hanes Cymru ac yn rhan annatod o'n cenedligrwydd, ein hiaith a'n diwylliant ni fel Cymry."

Yn y cyfamser, mae trafodaethau yn parhau pherchnogion preifat nifer o safleoedd eraill ynglŷn 'r angen i'w diogelu.

Ond cafwyd cadarnhad y bydd gwaith yn dechrau yn y safleoedd canlynol:

Glyndyfrdwy (Tomen Owain Glyndŵr). Yn y fan hon y cododd Glyndŵr faner gwrthryfel ar Fedi 16, 1400, a datgan ei fod yn Dywysog Cymru.

Sycharth (Maenor Owain Glyndŵr). Sycharth oedd cartref Owain Glyndŵr ar adeg ei wrthryfel.

Cefn Caer, Pennal - tŷ hanesyddol sy'n gysylltiedig Llythyrau Pennal Glyndŵr.

Castell Nanhyfer - tomen Normanaidd ar ben cloddwaith oedd yn diogelu llys Cuhelyn, y tywysog Cymreig o'r 12fed ganrif.

Castell Deganwy - safle pwysig yn hanes gwrthsafiad y Cymry.

Owain Glyndwr
Buddsoddi: Tri safle sy'n gysylltiedig Glyndŵr

Ystrad Fflur - safle diwylliannol a man claddu Dafydd ap Gwilym.

Abaty Cwmhir - Mae 'na draddodiad hir mai dyma fan claddu corff Llywelyn ap Gruffydd yn 1282.

Abergwyngregyn - Llys Llywelyn Fawr a Llywelyn Ein Llyw Olaf.

Dywedodd y gweinidog fod gan Cadw rl hanfodol wrth adrodd hanes y genedl.

"Ni fydd ein hanes ni bob amser yn bleserus ...

"Rhaid i ni gofio na chafodd ein cestyll eu cynllunio na'u hadeiladu i fod yn atyniad i dwristiaid - mae ganddyn nhw eu priod hanes, a dylen ni fod yn gyfarwydd 'r hanes ac ymfalcho ynddo."



Chwiliwch yn Gymraeg


HEFYD
Chwifio baner Owain Glyndwr
16 Medi 08 |  Newyddion
Dadorchuddio cerflun Glyndwr
13 Medi 07 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific