British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Mercher, 17 Rhagfyr 2008, 07:03 GMT
Gwyl jazz yn nwylo'r derbynwyr

Band stryd yng Ngwyl Jazz Aberhonddu
Mae tua 70,000 o ymwelwyr wedi ymweld yn flynyddol 'r ŵyl gychwynnodd yn 1983

Mae Gŵyl Jazz Aberhonddu wedi cael ei rhoi yn nwylo'r derbynnydd.

Roedd trefnwyr yr ŵyl wedi dweud ym mis Hydref fod yr ŵyl, sy'n 25 mlynedd oed, wedi gwneud colledion mawr ac nad oedden nhw'n gallu talu credydwyr.

Bydd bwrdd yr ŵyl yn gwneud datganiad yn ddiweddarach ddydd Mercher.

Mae gwefan yr ŵyl, oedd yn hysbysebu digwyddiad 2009, wedi cael ei thynnu i lawr.

Yn l y darlledwr Emyr Wyn Williams, sydd wedi cyflwyno rhaglenni jazz ar BBC Radio Cymru,: "Mae'n ergyd fawr i fyd y celfyddydau yng Nghymru".

Dywedodd Paul Ashton, cynghorydd sir Powys ac un o ymddiriedolwyr bwrdd yr ŵyl, fod tywydd drwg mis Awst wedi effeithio ar werthiant tocynnau munud-olaf.

'Trist iawn'

"Roedd gwerthiant tocynnau ymlaen llaw gystal neu'n well na'r blynyddoedd o'r blaen," meddai wrth y BBC.

"Mae'n drist iawn bod yr ŵyl yn diflannu ... mae hi wedi mynd yn fwy ac yn fwy ac mae wedi bod yn anodd ei chadw'n ddigwyddiad cymunedol.

"Ond mae'n bosib y bydd yn codi fel ffenics o'r llwch."

'Pryderu'

Dywedodd Nick Capaldi, Prif Weithredwr Cyngor Celfyddydau Cymru: "Mae'r trefnwyr wedi rhoi gwybod i ni gan ein bod ni'n un o arianwyr yr ŵyl.

"Mae'r ŵyl yn un o wyliau cerddorol pwysicaf Prydain ac yn cyfrannu'n fawr at yr economi leol.

"Yn naturiol ddigon, rydyn ni'n pryderu wrth feddwl nad oedd yr ŵyl eleni mor llwyddiannus yn ariannol ...

"Rydyn ni'n gweithio'n agos gyda Gŵyl Jazz Aberhonddu a'r partneriaid er mwyn dod o hyd i ateb boddhaol."

Mae tua 70,000 wedi bod bob blwyddyn i'r ŵyl ddechreuodd yn 1983.

.



Chwiliwch yn Gymraeg


HEFYD
Dim jazz ar strydoedd
08 Meh 06 |  Newyddion
Dilynwyr jazz yn mwynhau gwyl
14 Awst 05 |  Newyddion
Canmol ymddygiad gwyl jazz
16 Awst 04 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific