Cwpl o Gymru yn llwyddo i ffoi

Cafodd Lynne a Ken Shaw eu hachub o westy Taj Mahal Palace

Mae cwpl o Gymru wedi disgrifio sut iddynt gael eu hachub gan filwyr y Gurkhas yn ystod yr ymosodiadau ar ddinas Mumbai yn India.

Erbyn hyn dywed yr awdurdodau fod o leaf 140 o bobl wedi eu lladd.

Cafodd Lynne a Ken shaw o Benarth eu hachub ar ôl i filwyr gynnal cyrch ar westy Taj Mahal Palace.

Mae'r ddau wedi hedfan o India i faes awyr Heathrow.

Bu'n rhaid i Mrs Shaw guddio dan fwrdd wrth i filwyr ymosod ar yr adeilad.

Dywed awdurdodau India fod o leiaf 130 o bobl wedi eu lladd a 300 wedi eu hanafu ar ôl cyfres o ymosodiadau mewn saith dinas.

Yn ôl chwaer Mr Shaw, Louise Booker, roedd y ddau wedi cael eu hysgwyd gan y digwyddiadau.

"Roedd hi wedi cael cyfle i wneud un alwad ffôn cyn dychwelyd.

"Dywedodd fod hi wedi clywed bom yn ffrwydro a lot fawr o saethu."

"Yna bu gorchymyn i adael yr ystafell gyda dwylo ar eu pennau.

"Adeg hynny doeddent ddim yn gwybod pwy oedd yn rhoi'r gorchymyn tan iddyn nhw weld y Ghurkhas," meddai Ms Booker.

Fe aed a nhw o'r gwesty mewn bws i ddiogelwch llysgenhadaeth Awstralia .

Roedd Mr a Mrs Shaw wedi bod ar daith o fis i India.