British Broadcasting Corporation

Safleoedd Eraill BBC

Newyddion Mewn Ieithoedd Erail

Diweddarwyd: Dydd Gwener, 28 Tachwedd 2008, 08:29 GMT
Ailgylchu: 'Ie' i safle 15m

Gwastraff i'w ailgylchu
Y ganolfan: Prosesu hyd at 160,000 tunnell o wastraff bob blwyddyn
Mae Cyngor Sir y Fflint wedi rhoi sl bendith i gynlluniau i greu safle ailgylchu gwerth 15 miliwn allai greu 32 o swyddi.

Bydd y ganolfan ar ran o hen safle gweithfeydd dur Shotton.

Wrth ddefnyddio system trin gwres, bydd y ganolfan yn prosesu hyd at 160,000 tunnell o wastraff y cartref a masnach bob blwyddyn.

Fe dderbyniodd y cyngor y cynlluniau ar l clywed y byddai cyfanswm y gwastraff fyddai'n cael ei anfon i safleoedd tirlenwi yn gostwng o 90%.

Cwmni Orchid Environmental o Swydd Gaerhirfryn fydd yn rheoli'r safle.

64,000 tunnell

O ddefnyddio gwastraff sydd wedi cael ei ailgylchu, fe fydd y safle'n cynhyrchu 64,000 tunnell o belenni tanwydd bob blwyddyn.

Mae swyddogion cynllunio'n dweud y bydd 24,000 tunnell o wastraff yn mynd i safleoedd tirlenwi bob blwyddyn pan fydd y safle'n gweithredu'n llawn.

Tan ychydig o flynyddoedd yn l roedd 180,000 tunnell yn cael eu gollwng ar ddau safle tirlenwi ym Mwcle.

Ar hyn o bryd, does dim cyfleusterau tirlenwi yn Sir y Fflint, ac mae'n debyg bod y cyngor yn gwario 4 miliwn bob blwyddyn yn anfon gwastraff i Wrecsam.

Mae'r cyngor wedi gwrthwynebu'r cynlluniau i ddatblygu safle tirlenwi ar Chwarel Parry yn Alltami ger Yr Wyddgrug, gan honni nad dyma'r ffordd orau o reoli gwastraff.

Mae'r cynlluniau hynny'n cael eu trafod mewn ymchwiliad cyhoeddus gafodd ei agor yn gynharach yn y mis.

'Technoleg bur'

Fe fydd y safle newydd mewn sied gafodd ei defnyddio yn y gorffennol i storio metel sgrap.

Dywedodd swyddogion cynllunio y byddai'r datblygiad yn "trin a rheoli gwastraff yn unol ag arfer y llywodraeth ..."

Roedd eu hadroddiad yn dweud bod y "datblygiad yn dechnoleg bur ag ychydig iawn o beryglon i'r amgylchedd."



HEFYD
Salfe tirlenwi: Aros penderfyniad
11 Awst 08 |  Newyddion
Tirlenwi: Cyngor i wrthwynebu
11 Awst 08 |  Newyddion
Datgelu cynlluniau safle tirlenwi
07 Rhag 06 |  Newyddion
Trafod dyfodol safle tirlenwi
10 Chwef 06 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Archwilio'r BBC

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr persennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.
Americas Africa Europe Middle East South Asia Asia Pacific