BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Sul, 9 Tachwedd 2008, 09:48 GMT
'Cae o goch' yn y Senedd

Nomansland gan Andrew Cooper
Mae gwaith Nomansland gan Andrew Cooper yn archwilio'r Cadoediad a digwyddiadau'r Cofio trwy gae o goch

Mae'r cerflunydd o Gymru, Andrew Cooper, yn arddangos ei ddarn diweddaraf, Nomansland, yn Y Senedd ym Mae Caerdydd.

Mae'n rhan o'r Cofio yng Nghymru dros y dyddiau nesaf wrth i bobl nodi Sul y Cofio a Dydd y Cadoediad.

Bydd y gosodiad ar agor i'r cyhoedd tan ddydd Mawrth.

Daw cyfnod y gosodiad i ben am 11am gyda chloch y Cynulliad Cenedlaethol yn cael ei ganu i gychwyn y ddau funud o dawelwch traddodiadol gydag Aelodau'r Cynulliad yn ymgynnull yn ardal yr Oriel.

Mae gosodiad Nomansland gan Andrew Cooper yn archwilio'r Cadoediad a digwyddiadau'r Cofio trwy gae o goch; gyda blodau pabi yn crogi o ddagrau o waed, wedi'u hadlewyrchu'n ddiddiwedd mewn drychau.

Bu'r Lleng Brydeinig Frenhinol yn gweithio gyda Llywydd y Cynulliad i sicrhau y gall y cyhoedd wylio a phrofi'r gofeb hon i'r sawl a gollodd eu bywydau mewn gwrthdrawiadau ddoe a heddiw.

Wrth gyfeirio at weithgarwch y Cofio, dywedodd yr Arglwydd Dafydd Elis-Thomas: "Mae'r Cynulliad Cenedlaethol mewn partneriaeth 'r Lleng Brydeinig Frenhinol yn croesawu'r cyfle i gofnodi'r Cofio trwy greu'r gofod defodol hwn ar gyfer myfyrdod a chofio personol.

"Mae croeso hefyd i aelodau'r cyhoedd ymuno ni i gofnodi ein dau funud o dawelwch ar yr unfed awr ar ddeg, ar unfed diwrnod ar ddeg yr unfed mis ar ddeg."



HEFYD
Cymru'n Cofio'r milwyr a gollwyd
09 Tach 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^