BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Gwener, 31 Hydref 2008, 17:52 GMT
Neges e-bost: 'Dangos y ffordd'

Camgyfieithu
Daeth y camgymeriad i sylw cylchgrawn Golwg
Mae cyngor sir wedi dweud y bydd arwydd newydd yn cael ei roi yn lle un gwallus sy wedi gwneud siaradwyr Cymraeg yn ddig.

Roedd yr arwydd Saesneg yn Abertawe yn dweud nad oedd yna fynediad i lorďau.

Ond yn Gymraeg y geiriad oedd "Nid wyf yn y swyddfa ar hyn o bryd. Anfonwch unrhyw waith i'w gyfieithu."

Roedd Cyngor Abertawe wedi gofyn i'w hadran gyfeithu i baratoi fersiwn Cymraeg o'r canlynol: "No entry for heavy goods vehicles. Residential site only."

Ar ôl derbyn ateb i'w cais ar e-bost, fe benderfynodd y cyngor fynd ati i archebu arwydd.

Daeth y camgymeriad i sylw cylchgrawn Golwg wrth i nifer o ddarllenwyr anfon lluniau i mewn.

"Rydan ni wedi cyhoeddi nifer o luniau tebyg yn ystod y misoedd diwetha," meddai Dylan Iorwerth, golygydd gyfarwyddwr Golwg

'Rhy gyffredin'

"Mae lluniau o'r fath yn rhy gyffredin o lawer.

"Mae'n dda gweld pobl yn ymdrechu i gyfeithu ond dylid gofyn am help arbenigwyr."

Dywedodd llefarydd y cyngor eu bod nhw wedi tynnu'r arwydd i lawr ar ôl cael gwybod am y camgymeriad.

"Bydd arwydd newydd yn cael ei godi yn fuan," meddai.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^