Strade: Y chwiban ola

Mae'r clwb yn symud i stadiwm newydd yn ardal Pemberton

Roedd mwy na 125 mlynedd o rygbi yn dod i ben ar Barc y Strade Llanelli nos Wener pan oedd y gêm olaf yn y stadiwm.

Mae'r clwb yn symud i gartre newydd gwerth £23 miliwn ger Trostre.

Fe ddechreuodd Llanelli chwarae yn ardal y Strade yn 1879 ac ar y cae presennol yn 1904.

Y gêm yn erbyn Bryste yng Nghwpan yr EDF oedd yr ola ar Barc y Strade a'r sgôr oedd 27-0 i'r tîm cartre.

Cyn y gêm fe gerddodd 23 chyn-gapten ar y cae law yn llaw gyda'r plant sy'n gobeithio creu hanes newydd i'r clwb ym Mharc y Scarlets.

Straeon Y Strade