BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mercher, 10 Medi 2008, 07:26 GMT 08:26 UK
Ceiso datgelu cyfrinachau'r byd

Dr Lyn Evans
Dr Lyn Evans sy'n arwain y tim o wyddonwyr yn Genefa

Mae Cymro yn arwain tīm o wyddonwyr yn y Swistir sy'n cynnal arbrawf sy'n cael ei ddisgrifio fel yr arbrawf mwyaf yn y byd.

Nod yr arbrawf yng nghanolfan ymchwil CERN ger Genefa yw ceisio datgelu cyfrinachau sut y cafodd y bydysawd ei greu biliynau o flynyddau yn ol.

Mae'r prosiect dan arweiniad y Dr Lyn Evans, sy'n wreiddiol o Aberdār.

Bydd peiriant sydd wedi costio £5 biliwn yn hyrddio atomau at ei gilydd ar gyflymder anhygoel gyda'r nod o geisio ail-greu'r cyfnod wedi'r hyn ddigwyddodd pan ehangodd y bydysawd.

Mae 4,600 o staff yn gweithio ar y prosiect sy'n fenter ar y cyd rhwng 20 o wledydd Ewrop.

Mae'r gwaith adeiladu wedi cymryd 14 o flynyddoedd.

Dywedodd Dr Lyn Evans, 63, mai'r gobaith yw darganfod mwy am sut y cafodd y bydysawd ei greu.

"Ry'n ni'n chwilio am yr atebion i gwestiynau elfennol y byd ac, yn aml iawn, i gael yr atebion am y petha lleiaf rhaid cael y peiriannau mwya."

Mae o wedi wfftio honiadau gan rai y gallai'r arbrawf arwain at drychineb a hyd yn oed ddiwedd y byd.

"Peidiwch ā phoeni - bydd yna ddim tsunami ym Mae Caerdydd.

"Mae'r honiadau yn nonsens pur."



HEFYD
Trip ysgol i grombil y ddaear
07 Tach 07 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^