BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mawrth, 9 Medi 2008, 12:31 GMT 13:31 UK
Diwedd cyfnod ar bapurau lleol

Argraffu papurau newydd
Mae diswgyl i'r papurau ddod i ben ymhen y mis

Mae cwmni Trinity Mirror am roi'r gorau i gyhoeddi pedwar papur newydd wythnosol yn y gogledd.

Ymhlith y papurau fydd yn dod i ben mae'r Rhyl and Prestatyn Visitor a'r Abergele Visitor.

Mae'r cwmni yn dweud bod y penderfyniad yn effeithio ar 30 o swyddi yng Nghymru a Lloegr ac maen nhw'n ymgynghori efo staff.

Dywed y cwmni eu bod wedi gwneud y penderfyniad ar ol cynnal arolwg o'u cyhoeddiadau a'u swyddfeydd yng ngogledd Cymru a gogledd orllewin Lloegr.

Papur di-dl

Mae lle i gredu y gallai'r cyhoeddiadau ddod i ben ymhen mis.

Fe fydd Your Vale hefyd yn dod i ben gyda'r tri chyhoeddiad yn cael eu disodli gan bapur newydd di-dl y Denbighshire Visitor.

Bydd Flintshire Buysell yn dod i ben a'r cynnwys yn cael ei integreiddio gyda'r Chester a Flintshire Chronicles.

Mae'r cwmni'n bwriadu cau naw o swyddfeydd gan gynnwys un yn Y Rhyl.

Fe fydd casglu straeon yn anoddach a llai yn prynu'r papur a'r cyfan yn datblygu fel caseg eira.
Llion Iwan, Prifysgol Bangor

Fe fydd staff yno yn symud i'r brif swyddfa yng Nghyffordd Llandudno.

Yn l cyfarwyddwr rhanbarthol y cwmni, Sara Wilde, fe fydd y newidiadau'n ateb gofynion hysbysebwyr a darllenwyr mewn marchnad sy'n cynnig sawl her.

"Dydi gwneud penderfyniad a newidiadau fel yma ddim yn hawdd.

"Ond dwi'n credu bod y newidiadau yma yn cryfhau pwer ein cynnyrch yn y farchnad."

Ond mae'r cam yn newyddion drwg yn l Llion Iwan, darlithydd newyddiaduraeth ym Mhrifysgol Bangor.

"Fe fydd yn rhaid i'r gohebwyr weithio o'r swyddfa ganolog, gweithio mwy dros y ffn, yn anoddach teithio i weld pobl ac yn colli cysylltiad efo'r gymuned maen nhw'n gweithio efo hi.

"Fe fydd casglu straeon yn anoddach a llai yn prynu'r papur a'r cyfan yn datblygu fel caseg eira."

Dileu papurau

Mae'r Abergele Visitor yn gwasanaethu'r ardal ers degawdau ac mae'r Cynghorydd Richard Walters yn siomedig.

"Mae'r newyddion yn y papur wedi bod yn dirywio dros y cyfnod diweddar.

"Cymaint felly fel bod cyngor tref Abergele wedi penderfynu cael papur am ddim eu hunain i roi'r newyddion i'r bobl lleol."

Roedd Prif Weithredwr Trinity Mirror, Sly Bailey, wedi dweud bod angen arbed 20 miliwn.

Mae 'na son am streicio yng nghanolbarth Lloegr yn erbyn canoli'r gwaith yn Birmingham a Coventry, diswyddo dros 60 o bobl a gorfodi gweithwyr i ail-ymgeisio am eu swyddi presennol.

Mae 100 o swyddi yn y fantol yn Lerpwl hefyd yn sgil bwriad i gau'r argraffdy yno wedi 150 o flynyddoedd a symud y gwaith i Oldham.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^