BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mawrth, 5 Awst 2008, 17:02 GMT 18:02 UK
Ifan yn cipio medal Daniel

Ifan Morgan Jones
'Nofel seicedelig': Ifan Morgan Jones

Newyddiadurwr ifanc o Aberystwyth sydd wedi ennill Gwobr Goffa Daniel Owen yn Eisteddfod Caerdydd a'r Cylch 2008.

Ifan Morgan Jones, 24 oed a dirprwy olygydd Golwg, ddaeth i'r brig mewn cystadleuaeth a ddenodd bump o ymgeiswyr.

Y dasg oedd llunio nofel heb ei chyhoeddi gyda llinyn storol cryf heb fod yn llai na 50,000 o eiriau a'r beirniaid oedd Harri Parri, Meg Ellis ac Emyr Llywelyn.

Dywedodd y beirniaid fod y "nofel seicedelig" Igam Ogam gan Y Pobydd yn llawn haeddu'r wobr.

Mae'r nofel yn cael ei disgrifio fel un yn llinach yr awdur Saesneg Terry Pratchett.

'Aruchel'

Rhybuddiodd Harri Parri wrth draddodi'r feirniadaeth nad nofel i'r dyn cyffredin mo hon ond iddyn nhw fel beirniaid benderfynu gwobrwyo "nofel aruchel".

"Mae gan Y Pobydd ddawn brin i chwarae ar eiriau, dychymyg sy'n drn hir a chrefft sy'n peri i eiriau ddawnsio," meddai.

"Ychwanegwch at y gymysgfa gyfoeth gwybodaeth am hanes Cymru a'i chwedloniaeth a dyna ichi resipi torth ryfeddol Y Pobydd."

Cafodd y gwaith ei lunio yn wreiddiol fel rhan o gwrs MA Ifan a dim ond er mwyn cael beirniadaeth yr oedd wedi cyflwyno'r gwaith i'r gystadleuaeth.

Ymgais oedd y nofel i argyhoeddi'r darllenydd y dylid ymfalcho yn chwedloniaeth ein gwlad ac roedd creu byd Y Fabinogwlad oedd wedi ei gwau o rai o'r chwedlau hynny yn ddyfais berffaith er mwyn gwneud hynny.

Dylanwadau

Ei nod oedd defnyddio chwedloniaeth Cymru er mwyn cyffwrdd rhai o bynciau llosg y ddegawd hon, sef defnydd grym milwrol, ymyrraeth gynyddol y wladwriaeth, canlyniadau dinistr natur a chrefydd.

Y dylanwadau mwyaf arno yw awduron a chyfarwyddwyr fel Hayao Miyazaki, Tolkien, Neil Gaiman a Terry Pratchett.

Cafodd Ifan ei fagu yn y Waunfawr ger Caernarfon a'i addysgu yn Ysgol Gynradd Waunfawr, Ysgol Syr Hugh Owen a Phrifysgol Caerdydd lle graddiodd mewn newyddiaduraeth.

Fe ddilynodd gwrs MA mewn Ysgrifennu Creadigol ym Mhrifysgol Bangor.

Wedi cwrs newyddiaduraeth yn Newcastle dychwelodd i Gymru lle mae'n ddirprwy olygydd Golwg erbyn hyn.

Enillodd Fedal Goffa Daniel Owen a 5,000, rhodd Gair o Gelf, Pwyllgor Apl Cyncoed, Pen-y-lan, Y Rhath, Llanedern, Pentwyn a Phontprennau.




O'R MAES

O'R ARCHIF

YR ORSEDD

CEFNDIR

GWEFAN


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^