BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mawrth, 5 Awst 2008, 10:25 GMT 11:25 UK
Camp Elwyn o gam i gam

T Elwyn Griffiths
Mae T Elwyn Griffiths wedi bod ym mhob Eisteddfod ers 60 mlynedd, pob dydd

Mae 'na un dyn wedi bod ar Faes yr Eisteddfod bob dydd am y 60 mlynedd diwethaf.

T Elwyn Griffiths ydi Llywydd Anrhydeddus Cymdeithas Undeb a'r Byd.

Eleni mae'r undeb yn dathlu 60 mlynedd ers ei sefydlu.

Mae Mr Griffiths o Gaeathro ger Caernarfon ond yn wreiddiol o Landybie, newydd ddathlu ei ben-blwydd yn 90 oed.

"Dwi'n credu ei bod hi'n record ond falle ddim," meddai.

"Dwi wedi bod ym mhob un Eisteddfod - diolch am iechyd - ers sefydlu Undeb Cymru a'r Byd ers 1948. A hynny bob dydd am yr wythnos."

Atgofion

Dywedodd y gallai nifer ddweud eu bod wedi bod mewn mwy o Eisteddfodau.

"Ond allen nhw ddweud eu bod nhw wedi bod yma bob dydd?" gofynnodd.

"Efallai mai rhyw ddiwrnod neu ddau y maen nhw'n dod."

Mae ganddo lu o atgofion am yr Eisteddfod ac yn cofio lleoliadau pob un.

"Dwi wedi cael cymaint o foddhad o eisteddfota," meddai.

"Yr un rhoddodd y mwya o foddhad oedd yn 1964 yn Abertawe lle cafwyd y nifer mwya erioed o Gymry dros y mr.

"Doedd 'na ddim amser yn y blynyddoedd cynnar i fynd o gwmpas y Maes oherwydd fy mod yn gweithio bob dydd ym mhabell Undeb Cymru a'r Byd.

"Ond erbyn hyn rwy'n mwynhau mynd i'r Pafiliwn a'r Babell Ln.

"Dwi'n dal i ddisgwyl cael rhyw wobr o rywle ond dwi ddim wedi cael cydnabyddiaeth fel y cyfryw.

"Efallai bod hyn yn rhywbeth i edrych ymlaen ato."




O'R MAES

O'R ARCHIF

YR ORSEDD

CEFNDIR

GWEFAN


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^