Rhodri Glyn Thomas

Cafodd ei ethol i'r Cynulliad yn 1999

Roedd Rhodri Glyn Thomas yn rhan o'r don gyntaf o aelodau i gael eu hethol i'r Cynulliad yn 1999.

Fe gipiodd sedd Dwyrain Caerfyrddin a Dinefwr gyda mwyafrif o 6,980 dros yr ymgeisydd Llafur.

Yn etholiad 2007, fe lwyddodd i gynyddu'r mwyafrif i dros 8,000 - un o'r seddi mwyaf diogel yng Nghymru.

Cafodd ei benodi'n Weinidog Treftadaeth yng Ngorffennaf 2007 ar ôl ffurfio llywodraeth glymblaid rhwng Llafur a Phlaid Cymru.

Yn ystod ei gyfnod yn y swydd fe roddodd arian ychwanegol i Ganolfan y Mileniwm - a gosod seiliau i'r Theatr Genedlaethol yn yr iaith Saesneg.

Un o'i benderfyniadau mwyaf dadleuol oedd neilltuo £600,000 dros dair blynedd i ddatblygu'r wasg Gymraeg, gan gynnwys sefydlu papur dyddiol Cymraeg.

Yn ôl beirniaid roedd yr arian yn annigonol.

Roedd Mr Thomas yn un o dri aelod Plaid Cymru yn y cabinet.

Yn 55 oed fe'i ganwyd yn Wrecsam

Cafodd ei addysg yn Ysgol Morgan Llwyd, Wrecsam, prifysgol Aberystwyth, a phrifysgol Bangor

Yn ogystal â bod yn wleidydd mae'n parhau yn weinidog gydag Undeb yr Annibynwyr.