BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Gwener, 27 Mehefin 2008, 11:13 GMT 12:13 UK
Cocos: Asiantaeth yn ymchwilio
Casglu cocos
Mae 'na bryder pam bod cymaint o gocos wedi marw

Fe fydd Asiantaeth yr Amgylchedd yn ymchwilio i farwolaeth dros 6,000 o dunelli o gocos.

Mae arbenigwyr wedi rhybuddio y gallai'r golled yn Llanelli a'r Cylch fygwth dyfodol y diwydiant.

Gweinidog Amgylchedd Cymru, Jane Davidson, a Gweinidog Materion Gwledig Cymru, Elin Jones, sydd wedi gofyn i'r asiantaeth arwain yr ymchwiliad.

Dywedodd Ms Davidson fod achos y marwolaethau yn "ansicr" ond bod 'na sawl damcaniaeth.

"Mae'r rhain yn cynnwys ansawdd y dŵr," meddai.

"Ond mae 'na awgrym bod 'na gynnydd yng ngwres y dŵr, yr awyr a'r algâu.

"Mae'n bwysig ein bod ni'n ymchwilio i'r achos yn drylwyr."

Pryderon

Dywedodd Ms Jones fod Llywodraeth y Cynulliad yn gwerthfawrogi pryderon y diwydiant.

"Mae'n bwysig i'r gymuned leol ein bod ni'n canfod achos y marwolaethau mor fuan â phosib," ychwanegodd.

Dywedodd Cyfarwyddwr Cymru yr asiantaeth, Chris Mills, eu bod yn croesawu'r cyhoeddiad.

"Mae'r llywodraeth wedi nodi'n glir eu bod eisiau i fudiadau eraill fod yn rhan o'r ymchwiliad," meddai.

Mae arweinydd Cyngor Sir Caerfyrddin, y Cynghorydd Meryl Gravell, wedi croesawu'r ymchwiliad.

Dywedodd y byddai'r cyngor yn cyd-weithio'n llawn.



HEFYD
Dirgelwch miloedd o gocos marw
13 Meh 08 |  Newyddion
Marwolaeth cocos: Anfon deiseb
17 Meh 08 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^