Etholiad: Ymchwiliad i 'dwyll'

Fe fydd 'na dros 3,000 o ymgeiswyr ar gyfer dros 1,200 o seddi

Mae'r heddlu'n ymchwilio i honiad o dwyll etholiadol yn ymwneud â'r Ceidwadwyr yn Abertawe.

Credir bod yr achos yn ymwneud â ffugio llofnod ar enwebiad ar gyfer un o'r ymgeiswyr Ceidwadol yn y ddinas.

Dywedodd llefarydd ar ran Heddlu'r De: "Gallwn gadarnhau bod ymchwiliad ar y gweill yn ymwneud â'r etholiadau lleol".

Mae Norman Whitlock, aelod o'r Blaid Geidwadol yn Abertawe a oedd yn gyfrifol am drefnu'r enwebiadau am nifer o ymgeiswyr Ceidwadol, wedi ymddiswyddo o'r blaid.

Dywedodd llefarydd ran y Ceidwadwyr Cymreig: "Mae Mr Whitlock wedi ymddiswyddo o'r Blaid Geidwadol yn sgîl yr honiadau.

"Rydym yn cymryd y mater hwn yn eithriadol o ddifrifol a byddwn yn ymchwilio ar frys."

Mae 'na 3,266 o ymgeiswyr ar gyfer 1,264 o seddi o fewn y 22 cyngor.

Fe fydd gorsafoedd pleidleisio ar agor rhwng 7am a 10pm ddydd Iau Mai 1.