BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mercher, 9 Ebrill 2008, 06:33 GMT 07:33 UK
Gwyddeleg: Rhybudd gweinidog
Eamon O Cuív
Y gweinidog yn annerch yn Efrog Newydd

Mae angen 250,000 o siaradwyr Gwyddeleg erbyn 2028 er mwyn "achub yr iaith," meddai gweinidog.

Roedd Eamon O Cuív, y Gweinidog Gaeltacht, yn annerch yn yr Unol Daleithiau.

Y Gaeltacht yw'r ardaloedd lle mae'r mwyafrif yn siarad yr iaith.

"Dim ond diffyg dewrder a diffyg arweiniad fydd yn atal yr iaith rhag ffynnu mewn byd sy'n gynyddol fach."

Ar hyn o bryd mae Llywodraeth Iwerddon yn paratoi strategaeth 20 mlynedd ar gyfer yr iaith.

Roedd Mr O'Cuiv yn lansio Cwrs Iaith Wyddeleg Fulbright ym Mhrifysgol y Ddinas yn Efrog Newydd.

'Adfywiad'

Yn y coleg mae myfyrwyr o gefndiroedd ethnig gwahanol yn dysgu Gwyddeleg.

Dywedodd y gweinidog fod "adfywiad" yn golygu mwy o alw am athrawon Gwyddeleg yn yr Unol Daleithiau.

Roedd 50 o golegau dramor yn dysgu'r iaith ac Astudiaethau Celtaidd, meddai.

Fe gyhoeddodd y byddai €660,000 ar gael ar gyfer athrawon Gwyddeleg yn yr Unol Daleithiau.

Ac o'r flwyddyn nesa ymlaen, meddai, fe fydd myfyriwr ôl-raddedig o'r Unol Daleithiau'n cael treulio'r haf yn y Gaeltacht a threulio blwyddyn gron yn y weriniaeth yn astudio drwy gyfrwng yr iaith.



CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^