Cadw Golwg ar y we

Mae'r cylchgrawn yn gwerthu rhywng 3,000 a 3,500 bob wythnos

Mae cwmni Golwg yn bwriadu cynnig gwasanaeth newyddion Cymraeg arlein.

Fe fyddan nhw yn ceisio am ryw faint o'r arian mae Llywodraeth y Cynulliad wedi'i gynnig yr wythnos hon i ddatblygu gwasanaethau newyddion yn y Gymraeg.

Ond mae amheuon bellach a oes dyfodol i'r cynllun i sefydlu papur dyddiol Cymraeg. Bydd rheolwyr cynllun Y Byd yn cwrdd ymhen ychydig ddyddiau i drafod eu cam nesaf.

Roedd cynllun busnes Y Byd yn gobeithio cael o leia £600,000 yn y flwyddyn gyntaf.

Ond dim ond £200,000 fydd ar gael - ac mi fydd yn rhaid i gwmnïau gystadlu am yr arian.

Dywed Golygydd Gyfarwyddwr Golwg, Dylan Iorwerth, mai nod y cylchgrawn, sy'n 20 oed, yw datblygu'n raddol i gynnig gwasanaeth pob dydd.

"Ry' ni am ddatblygu ar yr hyn 'dan ni'n ei wneud eisoes, tan fod gennym wasanaeth newyddion a materion cyfoes lawn ar y we".

Mae gan Golwg gylchrediad o rhwng 3,000 a 3,500.

Bwriad gwreiddiol Y Byd oedd cyhoeddi'r rhifyn cyntaf ar Fawrth 3, 2008.